Арцыбіскуп Тадэвуш Кандрусевіч адслужыў святую Імшу

Святар праходзіць хіміятэрапію, але "настрой аптымістычны".

Арцыбіскуп-эмерыт Тадэвуш Кандрусевіч знаходзіцца ў шпіталі і праходзіць хіміятэрапію, паведаміў падчас Імшы ў архікатэдральным касцёле ў Менску 13 сакавіка мітрапаліт Мінска-Магілёўскі арцыбіскуп Іосіф Станеўскі, паведамляе KATOLIK.LIFE.

У Менску маліліся аб здароўі Папы Рымскага і арцыбіскупа на спакоі Тадэвуша Кандрусевіча. Адзначаецца, што арцыбіскуп таксама сам цэлебраваў святую Імшу.

Мітрапаліт Іосіф Станеўскі расказаў, што Кандрусевіч па дарозе ў шпіталь тэлефанаваў і прасіў падзякаваць усім за малітву.

“Вернікі, знаёмыя з сітуацыяй, патлумачылі, што арцыбіскуп Кандрусевіч дагэтуль не быў шпіталізаваны і наведваў паліклініку, раніцай 13 сакавіка цэлебраваў святую Імшу, настрой у яго аптымістычны”, – піша KATOLIK.LIFE.

У лютым 2023 года Тадэвуш Кандрусевіч перанёс аперацыю выдалення пухліны. У траўні 2024 года яму рабілі аперацыю на сэрцы пасля інфаркту.

Раней у Кандрусевіча была выяўленая меланома (злаякасная пухліна скуры). 10 сакавіка стала вядома аб пагаршэнні стану ягонага здароўя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]