Трамп падпісаў указ пра ліквідацыю федэральнага агенцтва, якое кіруе «Голасам Амерыкі» і «Радыё Свабода»

Пад загад патрапілі яшчэ шэсць арганізацый.

Прэзідэнт ЗША Дональд Трамп 14 сакавіка падпісаў указ пра ліквідацыю сямі федэральных агенцтваў, якія вызначаныя «непатрэбнымі», паведамляецца на сайце Белага дому.

Сярод іх – Агенцтва глабальных медыя, якое кіруе праектамі «Радыё Свабода» і «Голас Амерыкі», паведамляе «Суспільне».

Таксама ў загадзе Трампа пазначаныя наступныя арганізацыі:

Федэральная служба пасярэдніцтва і прымірэння;

Міжнародны навуковы цэнтр імя Вудра Вільсана Смітсанаўскага інстытута;

Інстытут музейных і бібліятэчных паслуг;

Міжведамасная рада ЗША ў пытаннях бяздомнасці;

Фонд фінансавых установаў развіцця супольнасцяў;

Агенцтва развіцця бізнэсу меншасцяў.

У дакуменце сказана, што кіраўнікі гэтых арганізацый павінны цягам сямі дзён падаць справаздачу аб пацвярджэнні выканання загаду і растлумачыць, якія функцыі дзяржаўнай установы, калі такія ёсць, заканадаўча неабходны і ў якім аб'ёме.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]