OZON запусціў у Беларусі продаж уцэненых тавараў

Цяпер можна прадаваць ужываныя, пашкоджаныя або бракаваныя тавары са зніжкай да 99%.

Расейскі маркетплейс OZON запусціў продаж уцэненых тавараў для прадаўцоў з Беларусі і Кыргызстана. Цяпер яны могуць прапаноўваць ужываныя, пашкоджаныя або бракаваныя тавары са зніжкай да 99%, піша тэлеграм-канал "Ozon Business СНД".

Гэта новая опцыя даступная са схемай продажу FBS і realFBS. Сума зніжкі ўстанаўліваецца самім прадаўцом.

Усе ўцэненыя тавары будуць сабраныя ў спецыяльным раздзеле, дзе пакупнікі змогуць адразу ўбачыць прычыны зніжэння цаны.

Для стварэння карткі уцэненага тавару прадаўцам неабходна выбраць адпаведны тавар са спісу і націснуць кнопку "Стварыць копію тавару FBS з уцэнкай". Затым трэба пазначыць прычыну ўцэнкі, стан тавару, артыкул, суму зніжкі, склад і змясціць фота, на якім будуць бачныя хібы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]