Пуцін на закрытай сустрэчы з расейскімі алігархамі расказаў, чаго хоча ад перамоў з Трампам

Кіраўнік Крамля абазначыў тэрытарыяльныя прэтэнзіі РФ.

Пуцін не будзе прэтэндаваць на Адэсу, калі акупаваныя тэрыторыі, а таксама Херсонская і Запарожская вобласці будуць прызнаныя расейскімі. Пра гэта размова ішла на закрытай сустрэчы ў рамках з'езда Расейскага звязу прамыслоўцаў і прадпрымальнікаў (РЗПП), піша "Коммерсант".

Паводле інфармацыі спецкарэспандэнта выдання Андрэя Калеснікава, Пуцін у закрытым рэжыме расказаў “90 удзельнікам, якія асабліва вызначыліся падчас адбору”, у чым сэнс перамоў з Трампам менавіта на гэтым этапе.

Пуцін сцвярджаў, што вайны б не было, калі б першапачаткова прызналі Крым расейскім. Пазней дастаткова было прызнання аўтаномій Луганскай і Данецкай рэспублік. Цяпер - прызнання іх, а таксама Херсонскай і Запарожскай абласцей у складзе Расеі.

“Цяпер, са слоў маіх суразмоўцаў, гаворка на перамовах ідзе аб тым, што дасягнутае ў Расеі не адабраць і што варта прызнаць у складзе Расеі Крым, Севастопаль і чатыры вядомыя тэрыторыі: Луганскую, Данецкую рэспублікі, Херсонскую і Запарожскую вобласці. Калі гэта адбудзецца найбліжэйшым часам, Расея, расказалі мне ўдзельнікі сустрэчы, не стане прэтэндаваць на Адэсу і іншыя тэрыторыі, якія цяпер належаць Украіне”, - піша Калеснікаў.

Раней аб тым, што падчас перамоў з Трампам Пуцін можа запатрабаваць і іншыя ўкраінскія тэрыторыі, у тым ліку крытычна важны порт Адэса, пісала выданне The New York Times.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]