Выбухі ў Саратаўскай вобласці РФ: дроны атакавалі аэрадром і НПЗ у Энгельсе
7- 20.03.2025, 8:45
- 10,620
Над авіябазай падняўся "грыб" дыму.
Уночы 20 сакавіка ў Расеі паскардзіліся на атаку дронаў па Саратаўскай вобласці. Сцвярджаюць, што шумна было ў Энгельсе, дзе размешчаная вайсковая авіябаза: пасля выбухаў у раёне яе падняўся "грыб" дыму, паведамляе «Обозреватель».
Пра гэта паведамілі расейскія Telegram-каналы, публікуючы кадры. Там жа распаўсюдзілася інфармацыя аб нібыта эвакуацыі жыхароў дамоў, размешчаных ля аэрадрома.
"Моцны дым бачны ў мікрараёне "3-і лётны гарадок" у Энгельсе пасля нападу БПЛА", - пісалі прапагандысты са спасылкай на заявы мясцовых жыхароў.
Са слоў мясцовых жыхароў з Саратава і Энгельса, яны прачнуліся а 4 гадзіне раніцы ад гучнага гуку сірэн. Пасля было чуваць серыю з некалькіх выбухаў. Пасля гэтага відавочцы расказалі, што ў раёне мясцовай нафтабазы ў Энгельсе ўзнік пажар, а таксама сталі з'яўляцца кадры ў сацсетках.
Губернатар Саратаўскай вобласці Раман Бусаргін заявіў, што ў выніку атакі БПЛА ў Энгельсе "часткова выбіла вокны ў двух дзіцячых садах і школе", пацярпелых няма.
У той жа час Расавіяцыя дала справаздачу аб часовым спыненні працы аэрапортаў Саратава і Самары.
Суполка ASTRA звярнула ўвагу, што гэты мікрараён размешчаны прыкладна за 10 кіламетраў ад вайсковага аэрадрома "Энгельс-2", адкуль расейскія самалёты ўзлятаюць для нанясення ракетных удараў па Украіне.
Там жа адзначылі, што расейскія суполкі пачалі паведамляць пра нібыта эвакуацыю жыхароў найбліжэйшых дамоў з вайсковага аэрадрому пасля атакі БПЛА.
Улады рэгіёну ці гарады пра гэта не паведамлялі. Раней губернатар толькі заявіў, што навучанне школьнікаў у Энгельсе ў чацвер будзе дыстанцыйным.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
