CNN: Трамп змяніў пазіцыю ў дачыненні да Зяленскага
22- 20.03.2025, 15:47
- 32,832
Амерыканскі лідар з нечаканым аптымізмам пракаментаваў тэлефонную размову з прэзідэнтам Украіны.
Прэзідэнт ЗША Дональд Трамп, відавочна, аслабіў сваю рэзкую пазіцыю ў дачыненні да прэзідэнта Украіны Уладзіміра Зяленскага. Магчыма, гэта адбылося праз «больш ліслівы тон» украінскага лідара, піша CNN.
Падчас гадзіннай тэлефоннай размовы 19 сакавіка Трамп пагадзіўся дапамагчы знайсці жыццёва неабходнае для Украіны абсталяванне супрацьпаветранай абароны ў Еўропе. А прэс-сакратарка Белага дома Кэралайн Лівіт заявіла, што ЗША будуць працягваць даваць Украіне вайсковую дапамогу і выведвальныя звесткі.
Гэта важна, таму што Трамп спыніў такую дапамогу, каб прымусіць Кіеў абмеркаваць яго 30-дзённы план спынення агню. І гэта рэдкі папрок Пуціну, які паставіў спыненне вайсковых і выведвальных рэсурсаў ЗША для Украіны ўмовай далучэння да працэсу заканчэння вайны.
«Толькі што закончыў вельмі добрую тэлефонную размову з прэзідэнтам Украіны Зяленскім. Яна доўжыўся прыкладна адну гадзіну. Значная частка абмеркавання грунтавалася на ўчарашнім званку з прэзідэнтам Пуціным, каб узгадніць Расею і Украіну з пункту гледжання іх запытаў і запатрабаванняў. Мы вельмі ідзём правільнай дарогай», - напісаў Трамп учора ў Truth Social.
У той жа час выданне піша, што станоўчая ацэнка Трампа гэтай размовы была «амаль абсурдна аптымістычнай». Але гэта лепш, чым некалькі тыдняў таму, калі ён называў Зяленскага «дыктатарам».
«Пасля ягоных званкоў з Пуціным і Зяленскім мара Трампа аб мірным пагадненні здаецца такой далёкай, чым калі-небудзь. І ўсё ж, калі ўся драма гэтага тыдня нейкім чынам стане пачаткам сапраўднага штуршку да дасягнення справядлівага і сталага ўрэгулявання, Трамп дакажа, што сумневы ў ім марныя», - рэзюмавала выданне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
