Большасць украінцаў супраць выканання ўмоў Пуціна дзеля спынення вайны

Апытанне.

Абсалютная большасць украінцаў не пагаджаецца з умовамі, якія прапануе Пуцін нібыта для заканчэння вайны. Аб гэтым сведчаць вынікі сацыялагічнага апытання, праведзенага сацыялагічнай службай Цэнтра Разумкова з 28 лютага да 6 сакавіка гэтага года ва ўсіх рэгіёнах Украіны, акрамя акупаваных тэрыторый, і ў горадзе Кіеве.

Пра гэта 20 сакавіка, у чацвер, Цэнтр Разумкова паведамляе на сваім сайце.

Апытаныя 2018 рэспандэнтаў ва ўзросце ад 18 год. Тэарэтычная хібнасць выбаркі не перавышае 2,3%. Разам з тым, дадатковыя сістэматычныя адхіленні выбаркі могуць быць абумоўленыя наступствамі расейскай агрэсіі, напрыклад, вымушанай эвакуацыяй мільёнаў грамадзян.

У час апытання рэспандэнтам задавалася пытанне, ці варта Украіне дзеля спынення Расеяй вайны згаджацца на выкананне пэўных умоў, выстаўленых У. Пуціным.

Толькі 8% апытаных (6% у Заходнім і Цэнтральным рэгіёнах, 10% ва Усходнім і 14% у Паўднёвым рэгіёнах) пагадзіліся б на тое, каб украінскія войскі былі цалкам выведзеныя з Данецкай, Луганскай, Херсонскай і Запарожскай абласцей (з усёй тэрыторыі гэтых абласцей у межах іх адміністрацыйных межаў). Не згодныя на выкананне гэтай умовы 78 адсоткаў рэспандэнтаў.

5% апытаных (2% у Заходнім, 3% у Цэнтральным, 6% ва Усходнім і 15% у Паўднёвым рэгіёнах) пагадзіліся б на тое, каб у міжнародных дамовах быў зафіксаваны статус Данецкай, Луганскай, Херсонскай і Запарожскай абласцей, Крыма і Севастопаля як рэгіёнаў Расеі. Не згодныя на выкананне гэтай умовы 82 адсоткі апытаных.

7% апытаных (2% у Заходнім, 8% у Цэнтральным, 11% ва Усходнім і Паўднёвым рэгіёнах) пагадзіліся б на тое, каб усе заходнія санкцыі супраць Расеі былі скасаваныя. Не згодныя на гэта 78 адсоткаў рэспандэнтаў.

Крыху большая (22%) доля рэспандэнтаў (8% у Заходнім, 26% у Цэнтральным, 24,5% ва Усходнім і 33,5% у Паўднёвым рэгіёнах) гатовая дзеля спынення вайны пагадзіцца на тое, каб нейтральны, пазаблокавы, бяз'ядзерны статус Украіны быў зафіксаваны ў Канстытуцыі Украіны. Аднак большасць (56%) выступаюць супраць гэтага.

Гатоўнасць ісці на такія саступкі засталася практычна нязменнай у параўнанні з чэрвенем 2024 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]