DW: У ЕЗ адмовіліся ад канфіскацыі замарожаных актываў РФ

Еўрачыноўнікі заявілі, што актывы павінны «заставацца без руху».

Еўрапейскі Звяз адмовіўся ад канфіскацыі замарожаных актываў РФ, вынікае з заявы, апублікаванай на сайце Еўрапейскай рады пасля саміту, які адбыўся 20 сакавіка ў Брусэлі.

«Згодна з заканадаўствам ЕЗ, расейскія актывы павінны заставацца замарожанымі, пакуль Расея не спыніць сваю агрэсіўную вайну супраць Украіны і не кампенсуе ёй шкоду, прычыненую гэтай вайной», — тлумачаць у тэксце.

Еўрачыноўнікі адзначаюць, што афіцыйны Брусэль «гатовы ўзмацніць ціск» на Расею, прынамсі, шляхам увядзення далейшых санкцый і ўзмацнення кантролю за выкананнем - «каб аслабіць яе здольнасць працягваць весці агрэсіўную вайну».

«Еўрапейскі Звяз і яго дзяржавы-сябры будуць садзейнічаць мірнаму працэсу і дапамогуць забяспечыць справядлівы і трывалы мір для Украіны, што адпавядае інтарэсам як Украіны, так і Еўропы агулам», - рэзюмуецца ў дакуменце.

Як піша DW, некалькі краін ЕЗ выступалі супраць канфіскацыі больш чым 200 млрд еўраў расейскіх актываў. У якасці аргументаў яны прыводзілі заканадаўства ЕЗ, небяспеку прэцэдэнту для еўрапейскай канкурэнтаздольнасці на рынку фінансавых паслуг, неабходнасць дапамагаць Украіне, выкарыстоўваючы адсоткі ад гэтых сродкаў, а таксама той факт, што актывы з'яўляюцца «рычагом уплыву» на перамовах з Расеяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]