«Раснафта» можа пазбавіцца найбуйнейшага актыву за мяжой

Праз санкцыі.

«Раснафта», якая страціла актывы ў Нямеччыне неўзабаве пасля пачатку вайны з Украінай, можа быць змушаная пазбавіцца ад апошняга буйнага прадпрыемства за мяжой.

Як паведамляе The Economic Times, найбуйнейшая нафтавая кампанія Расеі разглядае магчымасць продажу долі ў індыйскай Nayara Energy, якую набыла ў 2017 годзе за $12,9 млрд.

Прычына – у санкцыях, распавялі ET знаёмыя з сітуацыяй крыніцы ў Нью-Дэлі: праз заходнія абмежаванні, «Раснафта» ўжо некалькі гадоў не можа вывесці з Індыі прыбытак ад сваёй «дачкі», якая валодае 6,5 тысячы заправачных станцый па ўсёй краіне і найбуйнейшым недзяржаўным нафтаперапрацоўчым заводам.

Топ-мэнэджары «Раснафты» наведвалі Нью-Дэлі ў сакавіку, каб абмеркаваць магчымую ўгоду, якая, зрэшты, пакуль далёкая ад узгаднення, кажуць крыніцы The Economic Times. З іх слоў, расейская кампанія ўжо правяла перамовы з індыйскімі Reliance Industries, Adani і JSW Group, а таксама савудаўскай нафтавай дзяржкампаніяй Saudi Aramco, якая летась анансавала планы інвеставаць да $100 млрд у Індыю.

Знайсці пакупніка, зрэшты, няпроста: некаторыя індыйскія кангламераты ўжо адмовіліся ад угоды з «Раснафтай», у тым ліку праз санкцыі і нізкую рэнтабельнасць яе «дачкі», сказалі крыніцы The Economic Times. Патэнцыйная сума ўгоды ацэньваецца на $20 млрд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]