Нага на нагу: Ці сапраўды гэтая поза шкодная для здароўя?

Спецыялісты патлумачылі.

Сядзець са скрыжаванымі нагамі некаторым людзям зручней, чым паставіць іх на падлогу – часта проста праз звычку. Калі ў гэтай позе знаходзіцца нядоўга, шкоды не будзе. Але доўгае сядзенне нага на нагу можа прывесці да праблемаў са здароўем, а таксама павялічыць некаторыя хранічныя захворванні, піша ТСН.

Сярод іншага, эксперты кажуць, што сядзенне ў адной позе цягам многіх гадзінаў можа выклікаць стан, які называецца «параліч малабярцовага нерва».

Калі чалавек сядзіць у такой позе, то з'яўляецца перакос таза – адна падуздышная костка ідзе ўверх, іншая – уніз. Узнікае нераўнамернае нацяжэнне звязкавага апарату, цягліцаў, узнікае ратацыя ў паяснічным і грудным аддзеле, у выніку атрымліваем скаліёз.

Няўжо гэтая пастава сапраўды такая шкодная для здароўя

Спіс небяспечных наступстваў сядзення з скрыжаванымі нагамі цягам доўгага часу ўключае падвышаны крывяны ціск, варыкознае пашырэнне венаў і пашкоджанне нерваў. Зрэшты, кожная з гэтых хваробаў заслугоўвае асобнага тлумачэння.

Сем даследаванняў, зробленых да 2010 года, выявілі, што сядзенне са скрыжаванымі нагамі сапраўды павышае вынікі праверкі крывянога ціску, толькі адно даследаванне аспрэчыла гэтую гіпотэзу.

Такім чынам, скрыжаванне ног сапраўды можа выклікаць часовае павышэнне крывянога ціску, але доказаў пра доўгатэрміновыя наступствы не існуе, за выключэннем аднаго. Пацыентам з высокай рызыкай утварэння тромбаў не рэкамендуюць доўга сядзець са скрыжаванымі нагамі, бо перашкода плыні крыві павялічвае рызыку трамбозу венаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]