Самае слабое месца Пуціна: Што можа перашкодзіць Расеі весці вайну
4- 22.03.2025, 13:33
- 11,316
З’явіліся людзі, якія захацелі скарыстацца сытуацыяй у РФ.
Пасля тэлефоннай размовы Уладзіміра Пуціна і Дональда Трампа эканамічнае становішча Расеі крыху змянілася. З’явіліся людзі, якія захацелі скарыстацца сытуацыяй. Аднак, якія б ні былі планы ў Крамля, ёсць абставіны, якія могуць перашкодзіць акупантам прадаўжаць весці вайну.
Такое меркаванне «24 Каналу» выказаў доктар эканамічных навук Ігар Ліпсіц, адзначыўшы, што сітуацыя ў расейскай эканоміцы абвастраюцца. Ён растлумачыў, што яна пераважна залежыць ад здабычы сыравіны, калі ж яе перастаюць набываць, то ў Расеі знікаюць фінансавыя прыбыткі.
Праблемы Расеі праз санкцыі
Ігар Ліпсіц адзначыў, што многія віды расейскай сыравіны знаходзяцца пад санкцыямі. Размова ідзе пра чорныя металы, алюміній, золата і дыяманта, таксама абмяркоўваюць санкцыі датычна мінеральных угнаенняў.
«У гэтым сэнсе расейская эканоміка не з'яўляецца занадта трывалай. Вялікія выдаткі Расеі ідуць на вайну. Гэта стварае сур'ёзныя складанасці для бюджэту, што з'яўляецца самым слабым месцам Пуціна», – сказаў доктар эканамічных навук.
На ягоную думку, Крэмль зможа знайсці салдатаў для вядзення вайны і вырабіць нейкія віды ўзбраення, аднак расейская эканоміка трашчыць.
Умацаванне рубля
Ваганні расейскага рубля ўводзіць усіх у зман. Ён то ўзмацняецца, то слабее.
«Гэта занадта дробныя ваганні на фоне агульнага трэнду паслаблення рубля. Такая тэндэнцыя будзе прадаўжацца і надалей. Што ж тычыцца гульняў на расейскім фондавым рынку, то трэба разумець – гэта замкнёная прастора, куды амаль не прыходзяць інвестары», – заўважыў Ігар Ліпсіц.
Калі гэта і адбываецца, то інвестары палююць не на акцыі Расеі, а на аблігацыі, каб атрымаць фінансавую выгаду, своечасова вывеўшы грошы.
Доктар эканамічных навук падсумаваў, што нягледзячы на перамовы паміж Пуціным і Трампам фінансавае становішча Расеі не паляпшаецца, як бы да гэтага ні імкнуліся ў Крамлі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
