Пад Белгарадам ліквідаваны даўні вораг Украіны «Ботaкс»

Ён ваяваў з 2014 года.

Сілы абароны Украіны ліквідавалі вядомага расейскага акупанта – ваеннага злачынцу і неанацыста з групоўкі «Эспаньела» Івана Дзямідава з поклічам «Ботакс».

Пра ягоную смерць першымі паведамілі некалькі Z-ваенкараў, неўзабаве інфармацыя была пацверджаная на канале «Эспаньолы», паведамляе «Дыялог.UA».

«Вельмі цяжка пісаць пра гэта, але Ваня Ботакс разам з хлопцамі загінуў, абараняючы Белгарадскую вобласць», – пішуць Z-каналы.

Вядома, што акупант быў знішчаны ў раёне населенага пункта Чырвоная Яруга на Белгарадчыне, дзе ў апошнія дні ідуць вельмі актыўныя баі. Дэталі расейцы не раскрываюць.

Аднак 18 сакавіка Z-канал, звязаны з УС Расеі, паведаміў пра паспяховы ўдар УСУ па зборы жывой сілы і тэхнікі ў Чырвонай Ярузе і вялікія страты. Не выключана, што «Ботaкс» патрапіў менавіта пад гэты ўдар. Нараджэнец Масквы Дзямідаў – даўні вораг Украіны.

Яшчэ ў 2014 годзе ён пачаў ваяваць на Данбасе ў складзе акупацыйнага войска РФ, узначальваў медыцынскую службу групоўкі «Эспаньела».

У перапынках паміж агрэсіяй супраць Украіны ён таксама ўдзельнічаў у войнах у Сірыі і Лівіі ў складзе групоўкі «Вагнер».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]