«Ой-ой, горача! У мяне тут акно адчыненае, і аж твар загарэўся»

Слуп агню на нафтабазе «Каўказская» шакаваў расейскіх пажарных.

На расейскай станцыі «Каўказская» (Краснадарскі край) ужо 5-ы дзень гарыць нафтабаза «Нафтатранс», якая трапіла пад украінскі ўдар. Уначы там прагрымеў наймацнейшы выбух праз разгерметызацыю чарговага рэзервуара. Кадры даступныя на Telegram-канале «Украіна 365».

Нафтабаза трапіла пад удар Украіны яшчэ ў сераду, 19 сакавіка. Дагэтуль там не могуць патушыць пажар. Наадварот, уначы ён разгарэўся з новай сілай, магчыма, праз разгерметызацыю яшчэ аднаго рэзервуара з нафтапрадуктамі.

Відавочцы ўначы назіралі вялізны слуп агню над «Нафтатрансам». Момант выкіду знялі на відэа пажарныя, якія знаходзіліся побач з палаючым аб'ектам.

«О, пайшло… Скажыце, няхай ідуць! Увага ўсім, выкід, адбыўся выкід. Ой-ой-ой, горача! Усім адысці на бяспечную адлегласць! У 400 метрах пячэ. Вось гэта б зараз заехалі па 10 машын! Ты паглядзі, проста дзень (светла, як удзень - рэд.)! А што з іншымі рэзервуарамі? (...) У мяне тут акно адчыненае, і аж твар загарэўся», - казалі за кадрам пажарныя.

Судзячы з усяго, патушыць базу ўжо не атрымаецца. Ёй дадуць цалкам выгараць. Відавочцы паведамляюць, што «Нафтатранс» фактычна спыніў сваё існаванне.

Уладальнікам давядзецца аднаўляць яго з нуля або пахаваць праект. Паводле звестак журналістаў, на момант нападу нафтабаза была запоўненая «пад завязку» нафтапрадуктамі. Яна складаецца з 5 рэзервуараў, кожны аб'ёмам 20 тысяч кубаметраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]