Прэм'ер Канады абвясціў датэрміновыя выбары
3- 23.03.2025, 21:09
- 4,100
Кэрні зазначыў, што перад уладамі стаяць сур'ёзныя выклікі.
У нядзелю новы прэм'ер-міністр Канады Марк Кэрні прызначыць пазачарговыя выбары на 28 красавіка. Ён заявіў, што яму неабходны моцны мандат для барацьбы з пагрозай, якую прадстаўляюць для эканомікі тарыфы Трампа.
Пра гэта паведамляе РБК-Украіна са спасылкай на Reuters.
Агенцтва піша, што хоць наступныя выбары павінны былі адбыцца толькі 20 кастрычніка, аднак Кэрні спадзяецца атрымаць выгаду са значнага аднаўлення пазіцый яго Ліберальнай партыі ў апытаннях са студзеня, калі Трамп пачаў пагражаць Канадзе, а былы прэм'ер-міністр Джасцін Труда аб'явіў аб сваёй адстаўцы.
У ходзе размовы з журналістамі Кэрні адзначыў, што Канада сутыкнулася з самым сур'ёзным крызісам "у нашым жыцці", між іншым, праз неапраўданыя гандлёвыя дзеянні з боку прэзідэнта ЗША Дональда Трампа.
«Яшчэ так шмат трэба зрабіць для забеспячэння бяспекі Канады. Інвеставаць у Канаду, будаваць Канаду, аб'ядноўваць Канаду. Вось чаму я прашу маіх суайчыннікаў-канадцаў аб моцным пазітыўным мандаце. Я толькі што папрасіў генерал-губернатара распусціць парламент і прызначыць выбары на 28 красавіка, і яна пагадзілася», - сказаў Кэрні.
Яго заява прагучала пасля таго, як было атрыманае адабрэнне на запыт правесці выбары.
Цяпер у Кэрні ёсць пяць тыдняў, каб перамагчы. Апытанні паказваюць, што лібералы, якія знаходзяцца ва ўладзе з 2015 года і моцна адставалі ад афіцыйнай апазіцыі кансерватараў у пачатку года, цяпер крыху апярэджваюць сваіх апанентаў.
Канада збліжаецца з Еўропай праз Трампа
Нагадаем, паводле звестак Bloomberg, Канада прапанавала Еўропе заключыць буйныя абаронныя ўгоды і палепшыць доступ кантынента да карысных выкапняў. Гэта адбылося ў адказ на пагрозы амерыканскага прэзідэнта Дональда Трампа, а таксама яго адмову ад абаронных абавязанняў Вашынгтона.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
