Дэлегацыя ЗША, у якую ўвойдзе жонка Вэнса, наведае Грэнландыю
8- 24.03.2025, 15:49
- 4,242
Дэлегацыя наведае славутасці, а таксама пабывае на вайсковай базе ЗША.
Грэнландыю на гэтым тыдні наведае дэлегацыя ЗША - на фоне заяў прэзідэнта Дональда Трампа і высокапастаўленых прадстаўнікоў ягонай адміністрацыі аб магчымасці ўсталявання амерыканскага кантролю над выспай, якая зараз з'яўляецца самакіравальнай тэрыторыяй Дацкага каралеўства, паведамляе «Радыё Свабода».
Як паведаміў Белы дом, у склад дэлегацыі ўвойдуць дарадца прэзідэнта ў нацыянальнай бяспецы Майк Уолтц, міністр энэргетыкі Крыс Райт, а таксама жонка віцэ-прэзідэнта ЗША Джэй Ды Вэнс Уша Вэнс.
У паведамленні гаворыцца, што дэлегацыя наведае славутасці, стане гледачамі на традыцыйнай гонцы сабачых запрэжак, а таксама пабывае на вайсковай базе ЗША, паведамляе агенцтва Reuters. Гаворка ідзе аб вайсковай касмічнай базе Пітуфік на поўначы Грэнландыі.
Прадстаўнік Рады нацыянальнай бяспекі Белага дома Браян Х'юз заявіў, што візіт "дае магчымасць пабудаваць партнёрскія стасункі, якія паважаюць самавызначэнне Грэнландыі і садзейнічаюць эканамічнаму супрацоўніцтву". Шэраг грэнландскіх лідараў, аднак, раскрытыкавалі візіт, назваўшы яго "правакацыяй". Такую адзнаку даў прэм'ер-міністр урада аўтаноміі Мутэ Эгедэ. Прэм'ер-міністр Даніі Метэ Фрэдэрыксэн заявіла ў пісьмовым каментарыі, што візіт - "гэта тое, да чаго мы ставімся сур'ёзна". Паводле ейных слоў, Данія гатовая супрацоўнічаць з ЗША, але толькі на аснове павагі суверэнітэту.
Дональд Трамп неаднаразова выказваўся за тое, каб Грэнландыя тым ці іншым чынам апынулася пад кантролем ЗША або проста ўвайшла ў іх склад. Як улады Даніі, так і большасць палітычных сіл Грэнландыі гэта не прымаюць.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
