У Нямеччыне прад'явілі абвінавачанні радыкальным экаактывістам

Актывісты вядомыя скандальнымі акцыямі на аўтабанах, у аэрапортах і музеях.

Генеральная пракуратура ў Мюнхене прад'явіла абвінавачанне ў стварэнні злачыннай арганізацыі з мэтай учынення крымінальных дзеянняў пяці актывістам радыкальнага экалагічнага руху «Апошняе пакаленне». Сярод абвінавачаных – вядомая экаактывістка Карла Хінрыкс, паведаміла ўстанова ў панядзелак, 24 сакавіка, піша DW.

Тэкст абвінаваўчай высновы ўключае 149 старонак. Абвінавачанне было прад'яўлена 28 лютага ў зямельным судзе Мюнхена. Кіраўніцтва «Апошняга пакалення» назвала дзеянні пракуратуры «нападам на дзейнасць грамадзянскай супольнасці, якая з'яўляецца краевугольным каменем дэмакратыі».

Удзельнікі руху «Апошняе пакаленне» атрымалі вядомасць сваімі радыкальнымі акцыямі, якія звяртаюць увагу на праблемы клімату. Яны блакуюць у Нямеччыне аўтамабільныя дарогі і паралізуюць працу аэрапортаў, прыляпляючы сябе да дарожнага палатна і да ўзлётна-пасадачных палосаў. У музеях экаактывісты абліваюць экспанаты рознымі вадкасцямі. Так, у музеі ў Патсдаме яны аблілі бульбяным пюрэ карціну Клода Манэ, а ў Вене – чорнай фарбай карціну Густава Клімта.

Пратэсты радыкальных экаактывістаў прыводзілі да вялікай колькасці зваротаў у праваахоўныя органы і да судовых пазоваў. У траўні 2023 года пракуратура Мюнхена правяла маштабную аперацыю супраць удзельнікаў групы, абшукаўшы 15 аб'ектаў. Цяпер назва гурту змянілася на «Апошнія пакаленні».

У 2023 годзе паведамлялася, што за паўтара года актывісты «Апошняга пакалення» ўчынілі 580 правапарушэнняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]