Зяленскі адказаў, што будзе, калі Расея парушыць часовае спыненне агню
11- 25.03.2025, 20:48
- 9,066
Украіна будзе апавяшчаць ЗША.
Прэзідэнт Украіны Уладзімір Зяленскі заявіў, што ў выпадку, калі будзе парушэнне спынення агню з боку Расеі, Украіна падасць усе доказы гэтага ЗША. Пра гэта ён сказаў падчас прэс-канферэнцыі ў аўторак, 25 сакавіка, піша «Інтэрфакс-Украіна».
Паводле ягоных словаў, супольныя заявы пасля перамоваў у Саудаўскай Аравіі не прадугледжваюць наступстваў за парушэнне рэжыму цішыні. Аднак Украіна дамовілася з ЗША, што ў выпадку парушэнняў расейскім бокам будзе падаваць адміністрацыі Белага дому адпаведныя доказы.
«На сёння мы маем такі адказ [ад ЗША], што: калі мы бачым, што нехта парушае, мы мяркуем, што мы звяртаемся па ўсіх нашых лініях да амерыканскага боку з тымі фактамі і доказамі, што расейскі бок парушаў гэта», – сказаў Зяленскі.
Ён дадаў, што прэзідэнт ЗША Дональд Трамп мае «даволі сілаў, інструментаў, санкцый і г. д., розных інструментаў, каб уплываць на расейцаў, на Пуціна [расейскага дыктатара], каб яны скончылі гэтую вайну».
Таксама ўкраінскі прэзідэнт адзначыў, што маніторынг захавання рэжыму цішыні будуць забяспечваць Украіна і ЗША, але на перамовах абмяркоўвалася Турцыі і Саудаўскай Аравіі.
«Сутнасць дамоўленасці маніторынгу ў тым, што маніторынг ажыццяўляе амерыканскі бок і не толькі. Мы разумеем, што дэ-факта ў нас дамоўленасць з амерыканскім бокам. І пункт так сфармуляваны, што мы не супраць, усе не супраць, усе не супраць удзелу трэціх бакоў», – дадаў Зяленскі.
Раней 25 сакавіка міністр абароны Украіны Рустэм Умераў абнародаваў заяву паводле вынікаў перамоваў з ЗША ў Саудаўскай Аравіі, у якой гаварылася пра пяць асноўных дамоўленасцяў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
