Парламент Арменіі прагаласаваў за ўступленне ў ЕЗ

За прагаласавалі 64 дэпутаты, супраць - сем.

Парламент Арменіі прыняў закон аб уступленні рэспублікі ў Еўразвяз. За прагаласавалі 64 дэпутаты, супраць - сем, паведамляе Armenpress. У канчатковай рэдакцыі дакумента гаворыцца, што Арменія, «імкнучыся да развіцця дэмакратычных інстытутаў, павышэння дабрабыту грамадства, умацавання бяспекі краіны, устойлівасці і вяршэнства закона, абвяшчае аб пачатку працэсу ўступлення рэспублікі ў Еўрапейскі Звяз».

Пры гэтым закон падтрымалі толькі сябры кіроўнай фракцыі «Грамадзянская дамова». Апазіцыйныя дэпутаты з «Гонар маю» экс-прэзідэнта Сержа Саргсяна выступілі супраць, а прадстаўнікі фракцыі «Арменія» экс-прэзідэнта Роберта Качарана не галасавалі. Урад краіны запусціў працэс уступлення ў ЕЗ у студзені. Прэм'ер Нікол Пашынян казаў, што для прыняцця канчатковай пастановы ў Арменіі правядуць рэферэндум. Аднак да гэтага ўлады абмяркуюць з Брусэлем «дарожную карту» працэсу еўраінтэграцыі.

Летась ЕЗ пастанавіў пашырыць двухбаковае супрацоўніцтва з Арменіяй і запусціў працу над «амбіцыйным парадкам дня новага партнёрства», казаў дзейны на той момант кіраўнік еўрапейскай дыпламатыі Жазэп Барэль. У верасні Арменія і ЕЗ пачалі перамовы аб бязвізавым рэжыме. Брусэль заяўляў аб гатоўнасці скасаваць візы пры кароткатэрміновых паездках, калі ўлады рэспублікі правядуць «істотныя рэформы», у тым ліку ў галіне кантролю за межамі, міграцыі і барацьбы з карупцыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]