«У расейскага войска велізарныя праблемы»

Расейцы не могуць даць рады УСУ ў Белгародскай вобласці.

Украіна праводзіць чарговую аперацыю на тэрыторыі Расеі, гэтым разам - у Белгародскай вобласці. Сілы абароны Украіны прасунуліся на паўночным захадзе Белгародскай вобласці, а таксама каля Тарэцка і Пакроўска.

У чым галоўная задача Кіева? Пра гэта сайт Charter97.org пагаварыў з украінскім экспэртам Уладзімірам Цыбулькам:

- Галоўная задача - звязаць на тэрыторыі Расеі войскі, якія раней былі сканцэнтраваныя ў Курскай вобласці. Расея спрабавала перакінуць іх на Данецкі кірунак. Аднак гэты рэйд у Белгародскую вобласць, фактычна, прымусіў усе часткі, якія знаходзіліся ў Курскай вобласці і здольныя засяродзіцца на невялікім адцінку, які ўтрымлівае Украіна, перакінуць свае сілы ў Белгарад.

- Ці будзе гэта доўгатэрміновая аперацыя або хуткі рэйд?

- Усё будзе залежаць ад абставін. Цяпер лета, і войскам у летні перыяд зручней дзейнічаць пад покрывам лясных масіваў, "зеляніны", не нагружаць сябе вялікай колькасцю цёплай амуніцыі і праводзіць лёгкія пяхотныя рэйды. Гэты наступ ажыццяўляецца без выкарыстання цяжкай тэхнікі.

Напады ідуць на квадрацыклах і багі, на лёгкай тэхніцы. Але, як мы бачым, праблема для расейскіх войскаў застаецца вялізнай, бо нават з іх цяжкай тэхнікай яны не могуць нічога супрацьпаставіць украінскім вайскоўцам.

- Ці паўплывае актыўнасць УСУ на ход перамоў? Ці з'явіцца ва Украіны новы козыр?

- Ва Украіны і так шмат козыраў. Рэч у тым, што парог цярпімасці ў Расеі таксама высокі. Масква, фактычна адкрыта парушае ўзятыя на сябе абавязкі, таму, хутчэй за ўсё, зараз украінскія войскі будуць дзейнічаць такім чынам, каб гэта стала заўважна для ўсіх.

Але самае галоўнае - пераканаць еўрапейскіх і амерыканскіх партнёраў, што Расея не з'яўляецца дамоваздольным гульцом.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]