Трамп загадаў рассакрэціць матэрыялы справы аб магчымых сувязях яго штаба з Расеяй

Матэрыялы будуць даступныя для грамадскасці.

Прэзідэнт ЗША Дональд Трамп загадаў Федэральнаму бюро расследаванняў (ФБР) рассакрэціць матэрыялы справы, якая тычыцца магчымых сувязяў яго перадвыбарчага штаба з Расеяй у 2016 годзе.

Пра гэта гаворыцца ва ўказе, апублікаваным на сайце Белага дома.

Гаворка ідзе пра справу «Crossfire Hurricane», якую распачалі ў 2016 годзе. Расследаванне павінна было высветліць, ці мелі чальцы перадвыбарчага штаба Трампа сувязі з Расеяй падчас прэзідэнцкіх выбараў.

Згодна з указам, матэрыялы расследавання больш не з'яўляюцца засакрэчанымі, за выключэннем тых, якія былі адрэдагаваныя ФБР або маюць патрэбу ў абароне згодна з пастановай суда або законамі.

«Матэрыялы будуць даступныя для грамадскасці праз генеральнага пракурора ЗША. Гэты ўказ не тычыцца асабістай інфармацыі ці матэрыялаў, якія падлягаюць абароне законам», - гаворыцца ў дакуменце.

Нагадаем, Федэральнае бюро расследаванняў яшчэ ў 2016 годзе пачало непублічнае сачэнне за перадвыбарчым штабам тады яшчэ кандыдата ў прэзідэнты ЗША Дональда Трампа, западозрыўшы яго ў сувязях з Расеяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]