Саміт у Парыжы: Лідары ЕЗ узмоцняць падтрымку Украіны

Кіеву вылучаць дадатковыя 17 мільярдаў еўраў ваеннай дапамогі.

Еўрапейскія лідары падчас саміту «кааліцыі ахвотных» у Парыжы заявілі пра цвёрды намер прадаўжаць шматузроўневую падтрымку Украіны да таго часу, пакуль яна не даб'ецца трывалага і справядлівага міру. Пра гэта ў чацвер, 27 сакавіка, паведамляе карэспандэнт DW са спасылкай на дыпламата ЕЗ.

У ходзе сустрэчы, у якой удзельнічалі прадстаўнікі 31 дзяржавы, а таксама ЕЗ і NATO, было абвешчана пра ўзмацненне ваеннай, фінансавай і энэргетычнай падтрымкі Кіева, а таксама пра дапамогу ў аднаўленні краіны, якая вядзе абарончую вайну супраць Расеі.

Удзельнікі саміту абавязаліся вылучыць Украіне дадатковыя 17 мільярдаў еўраў ваеннай дапамогі, даць Кіеву 2 мільёны адзінак артылерыйскіх боепрыпасаў і палепшыць каардынацыю паміж дзяржавамі-чальцамі ЕЗ для таго, каб падтрымка, якая прапануецца імі, адпавядала патрэбам Украіны. Акрамя таго, еўрапейскія лідары дамовіліся ўзмацніць супрацоўніцтва з украінскай абароннай прамысловасцю і прадоўжыць развіваць місію ЕЗ у ваеннай падрыхтоўцы ўкраінскіх салдатаў.

Зяленскі задае пытанні пра міратворцаў

«Я ўдзячны Францыі, Вялікай Брытаніі і ўсім, хто мае дачыненне, за шчырае імкненне дапамагчы нам у развіцці доўгачасовай бяспекі», – заявіў прэзідэнт Украіны Уладзімір Зяленскі, які прысутнічаў на сустрэчы. Ён заклікаў хаўруснікаў адказаць на шэраг канкрэтных пытанняў: «Якія краіны будуць задзейнічаныя на зямлі, у небе і на моры ва Украіне? Дзе менавіта гэтыя сілы будуць размешчаныя? Якой будзе колькасць і структура гэтых сілаў? <...> І калі наша кааліцыя фактычна разгорне сілы ва Украіне – калі пачнецца перамір'е або калі вайна цалкам скончыцца і будзе дасягнутае ўрэгуляванне?»

Трэцяя сустрэча «кааліцыі ахвотных»

У саміце, які прайшоў у Елісейскім палацы ў Парыжы на запрашэнне прэзідэнта Францыі Эмануэля Макрона, удзельнічалі лідары 31 краіны, а таксама генеральны сакратар NATO Марк Рутэ і кіраўніца Еўракамісіі Уршуля фон дэр Ляен. У ходзе больш чым трохгадзінных кансультацый размова ішла пра гарантыі бяспекі для Украіны ў выпадку спынення агню паміж Кіевам і Масквой.

Гэта ўжо трэцяя сустрэча ў такім фармаце, ініцыятарам якога выступілі Макрон і прэм'ер-міністр Вялікай Брытаніі Кір Стармер на фоне збліжэння адміністрацыі прэзідэнта ЗША Дональда Трампа з Расеяй.

Расея на фоне дамоўленасцяў з ЗША пра частковае спыненне агню ва Украіне патрабуе скасавання часткі санкцый. Перамір'е на Чорным моры магчымае толькі пасля паслаблення санкцыйнага рэжыму, заявілі ў Маскве пасля перамоваў у Эр-Рыядзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]