Як за год паменшылася насельніцтва Беларусі

Раскрытая афіцыйная статыстыка.

Нацыянальны статыстычны камітэт апублікаваў афіцыйны статыстычны бюлетэнь, дзе адлюстраваная колькасць насельніцтва ў краіне (у кожнай з абласцей паасобку і ў горадзе Менску) на пачатак гэтага года.

Агульны лік: на 1 студзеня 2025 года ў Беларусі жыло 9109280 чалавек. Гэта на 23000 з лішкам менш, чым сярэднегадавая колькасць насельніцтва ў краіне ў 2024 годзе.

Насельніцтва размяркоўваецца наступным чынам: 7182690 – гарадское, 1926590 – вясковае.

У Менску на ўказаную дату жыло 1996730 чалавек. Гэта крыху больш, чым летась.

У абласцях статыстыка наступная:

– Берасцейская – 1 299 912,

– Віцебская – 1 072 063,

– Гомельская – 1 327 973,

– Гарадзенская – 984 880,

– Менская – 1 456 357,

– Магілёўская – 971365.

«Звесткі пра колькасць насельніцтва прыводзяцца пра сталае насельніцтва. Да сталага насельніцтва адносяцца асобы, якія жывуць у Рэспубліцы Беларусь адзін год і больш, – тлумачыцца ў дакуменце. – Актуальныя ацэнкі колькасці насельніцтва на 1 студзеня разлічваюцца на падставе выніковых звестак апошняга перапісу насельніцтва. У разліках улічваюцца павелічэнне або памяншэнне колькасці насельніцтва асобных тэрыторый у выніку змены іх адміністрацыйна-тэрытарыяльнага ўладкавання».

Адзначана таксама, што размеркаванне насельніцтва на гарадское і вясковае праводзіцца паводле месца жыхарства (месца знаходжання). Пры гэтым да катэгорыі гарадскіх населеных пунктаў адносяцца гарады і пасёлкі гарадскога тыпу (гарадскія, працоўныя і курортныя пасёлкі). Усе астатнія населеныя пункты з'яўляюцца вясковымі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]