Эрдаган заблакаваў расейскі Rutube

Па прапагандзе Крамля нанесены ўдар.

Расейскі відэахостынг Rutube цалкам заблакаваны на тэрыторыі Турцыі. Ён трапіў у «чорны спіс» забароненых рэсурсаў. Адпаведная пастанова была прынятая мясцовым рэгулятарам BTK, паведамляе Dialog.UA.

Доступ да Rutube заблакаваны як сотавымі аператарамі, так і правайдэрамі хатняга Інтэрнэту. Пры спробе ў Турцыі зайсці на сайт гэтага сэрвісу з'яўляецца старонка, на якой гаворыцца, што ён заблакаваны за парушэнне заканадаўства краіны.

Чыннікам для блакавання стала рэклама на Rutube азартных гульняў, што забаронена ў Турцыі. Пастанову турэцкі рэгулятар прыняў яшчэ месяц таму, 28 лютага.

Аднак яна набыла моц толькі зараз. Адзначым, што блакаванне адбылося на фоне нестабільнасці ўнутрыпалітычнай сітуацыі ў Турцыі.

Краіна ахопленая масавымі арыштамі ў сувязі з затрыманнем мэра горада Стамбула Экрэма Імамаглу, які ўважаецца за галоўнага канкурэнта дзейнага лідара краіны Раджэпа Эрдагана.

Адзначым, што Rutube з'яўляецца важным інструментам распаўсюджвання крамлёўскай прапаганды. Яго блакаванне ў Турцыі - вялікі ўдар для Масквы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]