Польшча ўзмацніла электронны бар'ер на мяжы з Беларуссю

Важнае паляпшэнне сістэмы – укараненне сістэмы штучнага інтэлекту.

Польскія ўлады закончылі мадэрнізацыю электроннага бар'ера на адрэзку мяжы з Беларуссю ў Падляшскім ваяводстве. Пра гэта паведамляе Міністэрства ўнутраных справаў і адміністрацыі Польшчы.

На адрэзку даўжынёю 206 кіламетраў размешчаныя дадатковыя камеры для назірання за знешнім бокам памежнай агароджы. Таксама былі ўстаноўленыя святлодыёдныя лямпы для асвятлення тэхнічнай дарогі ўздоўж плоту і створаныя новыя пункты відэаназірання каля водапрапускных збудаванняў (каналаў, трубаў, тунэляў, якія праходзяць пад агароджай), каб выключыць магчымасць выкарыстання гэтых праходаў для нелегальнага перасячэння мяжы.

Важнае паляпшэнне сістэмы – гэта ўкараненне сістэмы штучнага інтэлекту, якая дапамагае аналізаваць сігналы трывогі ад спецыяльных аптычных кабеляў, пракладзеных уздоўж мяжы. Яны вызначаюць рух ці іншыя незвычайныя з'явы паблізу, а кампутар цяпер сам ацэньвае гэтыя сігналы. Можна меркаваць, што ШІ дапамагае яму адрозніць, напрыклад, жывёлу ад чалавека, які спрабуе парушыць мяжу. Гэта змяншае колькасць падманных трывог і павялічвае эфектыўнасць аховы.

Кошт праведзенай працы склаў больш за 125 млн злотых (блізу 32 млн даляраў).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]