У Беларусі гараць лясы

За дзень выгарала больш за 22 гектары.

Паводле звестак МНС Беларусі, за мінулы дзень у краіне адбылося шэсць лясных пажараў агульнай плошчай больш за 7 гектараў. Самы буйны здарыўся каля вёскі Караб'е Столінскага раёна Берасцейскай вобласці.

Паведамленне пра загаранне паступіла ратавальнікам 29 сакавіка ў 21.30. На месца здарэння накіравалі 11 адзінак тэхнікі і 35 чалавек. Агонь ахапіў пяць гектараў лесу. Да раніцы пажар атрымалася ліквідаваць.

Акрамя таго, у розных рэгіёнах супрацоўнікі МНС патушылі 163 загаранні травы і кустоў на плошчы больш як 15 гектараў. У Гомельскай вобласці, напрыклад, за дзень было 17 такіх выпадкаў на тэрыторыі Брагінскага, Добрушскага, Жлобінскага, Кармянскага, Лельчыцкага, Мазырскага, Акцябрскага, Рэчыцкага і Рагачоўскага раёнаў.

У трох раёнах Гомельшчыны – Брагінскім, Лельчыцкім і Хойніцкім – нават увялі абмежаванні на наведванне лясоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]