СМІ: У Расеі з'явіўся невядомы вірус, які выклікае кашаль з крывёй

Захварэлыя тыднямі пакутуюць ад высокай тэмпературы, пры гэтым у іх адмоўныя тэсты на ковід і грып.

Невядомы вірус з'явіўся ў Расеі. Паводле словаў тых, хто заразіўся, ён выклікае кашаль з крывёй і высокую тэмпературу, якая трымаецца да некалькіх тыдняў, піша Lenta.ru.

Пра лік хворых і шпіталізаваных з новай інфекцыяй цяпер звестак няма. Пры гэтым самі медыкі адзначаюць, што размова ідзе не пра адзінкавых пацыентаў.

«Захварэлыя тыднямі пакутуюць ад высокай тэмпературы і моцнага кашлю з крывёй, пры гэтым у іх адмоўныя тэсты на ковід і грып», – адзначае Shot.

Зрэшты, як гавораць лекары, гэта можа быць не новы невядомы вірус, а мікаплазменная пнеўманія, успышка якой назіралася ў снежні летась. Такія сімптомы таксама могуць выклікацца сухотамі, адром, коклюшам.

«Больш нагадвае бактэрыяльную інфекцыю. Калі адкрылася крывахарканне, то першае, пра што думаюць: сухоты, бактэрыяльныя інфекцыі – арнітоз – хламідыйная інфекцыя, можа быць мікаплазменная інфекцыя», – прыводзіць словы імунолага Уладзіміра Балібока партал News.ru.

Ён растлумачыў, што адмоўныя тэсты на каранавірус і грып у хворых людзей тлумачацца тым, што спробы для іх бяруцца са слізістых, дзе канцэнтрацыя вірусу пасля пачатку захворвання зніжаецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]