Пуцін абвясціў самы масавы за 14 гадоў набор жаўнераў тэрміновай службы ў войска

У войска РФ будуць накіраваныя 160 000 навабранцаў.

Уладзімір Пуцін падпісаў указ аб правядзенні вясновага набору на тэрміновую вайсковую службу. Згодна з апублікаваным дакументам, падчас кампаніі, якая пройдзе з красавіка да чэрвеня, у войска будуць накіраваныя 160 тысяч навабранцаў. У адпаведнасці з дзейнымі нормамі заканадаўства, набору падлягаюць грамадзяне ва ўзросце ад 18 да 30 гадоў.

Дыктатар РФ даручыў ураду, рэгіянальным органам выканаўчай улады і прызыўным камісіям арганізаваць усе неабходныя мерапрыемствы для своечасовага і эфектыўнага выканання плана прызыву.

Будучая кампанія стане найбуйнейшай за апошнія 14 гадоў. Большая колькасць навабранцаў у апошні раз была зафіксаваная ў 2011 годзе, калі Мінабароны РФ набрала 203 тысячы чалавек. Ужо восенню таго ж года было прызвана толькі 135 тысяч чалавек. З 2012 года колькасць вясновых і восеньскіх набораў не перавышала 155,5 тысячы навабранцаў. Для параўнання, вясной 2021 года ў войска накіравалі 134650 чалавек, а восенню таго ж года - 127500.

У першы год пачатку вайны з Украінай вясной на службу было накіравана 134 500 чалавек, увосень — 120 000. Аднак у 2023 годзе вясной у войскі прызвалі ўжо 147 тысяч, а ўвосень — 130 тысяч. У 2024 годзе гэтая дынаміка працягнулася: вясновы набор склаў 150 тысяч чалавек, восеньскі - 133 тысячы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]