Reuters: Ізраіль прапанаваў новыя ўмовы перамір'я ў Газе

Размова ідзе пра спыненне агню тэрмінам на 40–50 дзён і вызваленне паловы закладнікаў.

Ізраіль прапанаваў падоўжыць тэрмін перамір'я ў сектары Газа ў абмен на палову закладнікаў, якіх засталося вярнуць з палону тэрарыстычнай групоўкі ХАМАС. Пра гэта 31 сакавіка напісала Reuters са спасылкай на афіцыйных асобаў Ізраіля.

Агенцтва адзначыла, што пра прапанову новых умоваў перамір'я чыноўнікі расказалі 30 сакавіка, у той час як ізраільскія вайскоўцы абвясцілі абавязковую эвакуацыю палестынскага насельніцтва на поўдні Газы праз запланаваныя там «інтэнсіўныя аперацыі».

Размова ідзе пра спыненне агню тэрмінам на 40–50 дзён і вызваленне паловы з 24 закладнікаў, якіх Ізраіль уважае за жывых, а таксама прыкладна паловы з 35 чалавек, як мяркуецца, загінулых.

Reuters піша, што ў мінулыя выходныя ХАМАС пагадзіўся на прапанову катарскіх і егіпецкіх пасярэднікаў, якая прадугледжвае штотыднёвае вызваленне пяці закладнікаў у абмен на перамір'е.

Вайскоўцы Ізраіля, якія спынілі дапамогу Газе, аднавілі аперацыі 18 сакавіка пасля двух месяцаў перамір'я. Падчас гэтай «цішыні» вызвалілі 33 ізраільскіх закладнікаў і пяцярых грамадзянаў Тайланда ў абмен на прыкладна 2 тыс. палестынскіх зняволеных і затрыманых.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]