Чацвёрты з зніклых у Літве амерыканскіх вайскоўцаў знойдзены мёртвым

Пра гэта паведаміла камандаванне войска ЗША ў Еўропе і Афрыцы.

Чацвёрты з амерыканскіх вайскоўцаў, якія зніклі на вучэннях у Літве на мінулым тыдні, знойдзены мёртвым, паведаміла камандаванне войска ЗША у Еўропе і Афрыцы, паведамляе LRT.

«Чацвёрты салдат войска ЗША (...) быў знойдзены мёртвым недалёка ад Пабрадзе, Літва, 1 красавіка», – гаворыцца ў заяве, апублікаванай у аўторак.

Войска ЗША 31 сакавіка пацвердзіла гібель траіх зніклых на вучэннях у Літве салдатаў пасля таго, як з балота на палігоне ў Пабрадзе выцягнулі амерыканскую цяжкую браняваную рамонтна-эвакуацыйную машыну (БРЭМ) M88 Hercules.

Машына захраснула на глыбіні блізу чатырох метраў пад прыкладна двухметровым пластом глею.

Ёю кіравалі чацвёра амерыканскіх вайскоўцаў, якія служылі ў 1-й бранятанкавай брыгадзе 3-й пяхотнай дывізіі. Яны прапалі без вестак на мінулым тыдні разам з машынай падчас выканання задання «рамонту і буксавання абезрухоўленага тактычнага транспартнага сродку».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]