У Менску склалася цікавая сітуацыя з праязнымі

Сёння ў касах вывесілі новыя цэннікі.

З 10 красавіка ў Менску падаражэў праезд. Сёння ў касах ужо вывесілі новыя цэннікі, а на сайце "Мінсктранса" абнавіўся файл з тарыфамі, піша Blizko.by.

Квіток на адну паездку каштуе 95 капеек (пры куплі ў кіроўцы - 1 рубель), жэтон на метро - 1 рубель. "Адзіны" праязны на месяц на 4 тыпы транспарту (аўтобус, тралейбус, трамвай, метро) цяпер каштуе 56,97 рубля (ранейшы кошт — 51,05 рубля).

Самы дарагі праязны зараз каштуе 113 рублёў 97 капеек - гэта праязны на 30 дзён на 2 тыпы транспарту: метро і цягнікі «гарадскіх ліній» БЧ.

Дзіўна, але праязны на 5 тыпаў транспарту каштуе танней: 98 рублёў 35 капеек. Гэта праязны на 30 дзён на аўтобусы, тралейбусы, трамваі, метро і цягнікі "гарадскіх ліній" БЧ.

Гэтая залежнасць захоўваецца і для праязных на карацейшыя тэрміны: на 3, 5 і 10 дні.

Прычым захоўваецца яна ўжо больш за паўтара года, са жніўня 2023 года, калі ўвялі новы так званы “адзіны праязны”.

Застаецца незразумелым, ці купляе хтосьці даражэйшыя праязныя з меншымі магчымасцямі, калі можна купіць таннейшы праязны з вялікімі магчымасцямі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]