У Газе ліквідавалі яшчэ аднаго камбата ХАМАСа

Ён удзельнічаў у нападзе на Ізраіль 7 кастрычніка.

У сераду 9 красавіка ЦАХАЛ знішчыў тэрарыста на імя Хайтам Разек Абд аль-Карым Шэйх Халіль. Ён камандаваў батальёнам ХАМАСа «Шуджая» ў аднайменным раёне горада Газа, а раней удзельнічаў у калатнечы 7 кастрычніка, паведамляе выданне «Дэталі».

Паўтара гады таму Шэйх Халіль камандаваў узводам у элітных атрадах тэрарыстаў «Нухба». Ён кіраваў атакай на Нахаль-Оз, дзе тэрарысты забілі 15 кіббуцнікаў і 4 вайскоўцаў, а 8 чалавек выкралі ў Газу.

Да вайны Шэйх Халіль спецыялізаваўся на будаўніцтве тунэляў. Пасля 7 кастрычніка - арганізоўваў атакі на салдат, усталёўваў міны і мінаваў дамы.

Увесь гэты час ён так і заставаўся камандзірам узвода. Але кропкавыя ліквідацыі камандзіраў ХАМАС адкрылі прастору для кар'ернага росту.

Раней ЦАХАЛ ліквідаваў камандзіра батальёна «Шуджая» Фахіма Фархата. А ў сярэдзіне сакавіка ва ўласным доме знішчылі яго зменшчыка Джаміля Вадыя. Гэта дазволіла Шэйх Халілю атрымаць падвышэнне, але ненадоўга.

Яго самога таксама забілі ў жылым доме. Палестынскія каналы паведамілі ўчора аб 9 загінулых падчас ізраільскага ўдару. ЦАХАЛ удакладняе, што будынак выкарыстоўваўся ХАМАСам як камандны цэнтр для арганізацыі нападаў на Ізраіль.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]