ЗША рыхтуюць вялікае паляванне на расейскі «ценявы флот»

РФ можа пазбавіцца сваёй нафты.

Так званы расейскі «ценявы флот», пры дапамозе якога РФ пастаўляе сваю нафту ў абыход заходніх санкцый, рызыкуе сутыкнуцца з узмацненнем жорсткасці мер.

Амерыканскія сенатары ўнеслі ў Кангрэс законапраект, якім прапануецца дазволіць канфіскацыю нафты з расейскіх танкераў, якія апынуліся ў санкцыйным спісе Мінфіна ЗША, інфармуе Reuters.

У выпадку зацвярджэння законапраекта канфіскаваная сыравіна будзе прададзеная, а атрыманыя сродкі пойдуць на выплату дзяржаўнай запазычанасці ЗША. Для паляпшэння кантролю за выкананнем абмежаванняў прапануецца стварыць спецыяльны фонд пры Мінфіне з бюджэтам на 150 млн даляраў.

Дакумент таксама пашырае абмен выведвальнай інфармацыяй і дае праваахоўным органам дадатковыя інструменты для барацьбы з нелегальнымі нафтавымі гандлёвымі сеткамі, расказаў адзін з аўтараў праекта Джоні Эрнст, які прадстаўляе Рэспубліканскую партыю.

Са слоў сэнатара, гэты законапраект не толькі дапаможа супрацьстаяць спробам Масквы абысці амерыканскія санкцыі, але і дасць ЗША магчымасць выкарыстоўваць канфіскаваныя актывы.

У амерыканскі санкцыйны спіс уключаныя дзве сотні суднаў, якія перавозілі расейскую нафту. Найбольш адчувальны ўдар па «ценявым флоце» быў нанесены ў студзені, калі адміністрацыя папярэдняга гаспадара Белага дома Джо Байдэна наклала санкцыі на 180 танкераў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]