Удар «молатам»: украінскі МіГ-29 знішчыў пад Херсонам камандны пункт РФ
8- 11.04.2025, 18:38
- 15,830
Атака была праведзенаz з ужываннем французскіх авіябомбаў AASM HAMMER.
Знішчальнік МіГ-29 Паветраных сіл Украіны нанёс кропкавы авіяўдар па ротным камандным пункце і будынку з асабовым складам расейскага войска на часова акупаванай тэрыторыі Херсонскай вобласці. Атака была праведзеная з ужываннем дзвюх французскіх авіябомбаў AASM HAMMER, паведамляе «Фокус».
Відэа ўдару апублікаванае 10 красавіка ў тэлеграм-канале «Соняшник», а геалакацыя аб'екта – сяло Бабіна Херсонскай вобласці – пацвердзілі OSINT-даследчыкі з WarArchive.
На кадрах зафіксавана, як дзве кіраваныя бомбы з высокай дакладнасцю падаюць на два суседнія будынкі, цалкам зруйнаваўшы забудову.
«Авіяцыя працягвае працаваць на ўсіх кірунках, экіпаж МіГ-29 дакладным скідам знішчае ротны камандны пункт і хлеў, дзе звыкла для іх размяшчалася падраздзяленне аховы», - гаворыцца ў паведамленні.
AASM HAMMER
AASM (Armement Air-Sol Modulaire), таксама вядомы як HAMMER (Highly Agile Modular Munition Extended Range), – французскі модульны камплект для мадэрнізацыі бомб, якія адвольна падаюць, аналагічны амерыканскаму JDAM. Ён уключае:
Насавую частку з інерцыйнай навігацыяй і GPS-карэкцыяй, а таксама апцыянальна-цеплавізійнай або лазернай сістэмай навядзення.
Хваставую частку з паскаральнікам, якія дазваляюць значна павялічыць далёкасць ужывання.
Існуюць два асноўныя тыпы камплекта: HAMMER-250 – для бомбаў Mk.82 калібрам 227 кг і HAMMER-1000 – для бомбаў Mk.84 калібрам 908 кг.
Ужыванне гэтых боепрыпасаў са знішчальнікаў МіГ-29 стала магчымым дзякуючы адаптацыі заходніх узбраенняў пад савецкія платформы, што пашырае магчымасці ўкраінскай франтавой авіяцыі ў глыбіні акупаванай тэрыторыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
