ВМС Эстоніі затрымалі танкер «ценявога флоту» РФ

Да аперацыі быў прыцягнуты верталёт.

Раніцай у пятніцу, 11 красавіка, ВМС Эстоніі затрымалі танкер Kiwala, судна з расейскага «ценявога флоту», якое займаецца экспартам расейскай сырой нафты і нафтапрадуктаў у трэція краіны.

Аб гэтым піша ERR.

Камандзір Вайскова-марскіх сіл Эстоніі Іва Вярк адзначыў, што затрыманне не звязанае з падазрэннямі ў пагрозе крытычнай інфраструктуры.

Танкер ценявога флоту РФ Kiwala затрымалі ў Эстоніі

Эстонія пачала рыхтавацца да аперацыі ў чацвер увечары, а сама аперацыя пачалася а трэцяй гадзіне ночы. А 4:19 танкер Kiwala ўвайшоў у воды Эстоніі. Паводле звестак MarineTraffic, зараз судна знаходзіцца на ўсход ад вострава Аэгна, побач з ім - два вайсковыя караблі.

Судна было пад санкцыямі ў сувязі з папярэдняй дзейнасцю ў Еўрапейскім Звязе і накіроўвалася ва Усць-Лугу. У танкера не было сцяга, а такія судны не маюць права на перамяшчэнне.

Падчас затрыманняў правяраецца тэхнічны стан судна і дакументы экіпажа. Да аперацыі быў прыцягнуты верталёт.

На танкеры знаходзіцца 24 чалавекі. Са звестак эстонскіх улад, капітан судна - грамадзянін Кітая, які супрацоўнічае са следствам.

Паводле інфармацыі ўкраінскага партала WarSanctions, гэта судна з расейскага ценявога флоту, якое займаецца экспартам расейскай волкай нафты і нафтапрадуктаў у трэція краіны.

Апошнім часам судна хадзіла пад сцягам Джыбуці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]