У Асіповічах дзяўчынка засунула руку ў скрыню на квэсце

І атрымала 1000 рублёў у якасці кампенсацыі.

Суд Асіповіцкага раёна разгледзеў справу аб кампенсацыі маральнай шкоды, прычыненай 14-гадовай дзяўчынцы падчас праходжання квэсту, паведамляе «Зеркало» са спасылкай на прэс-службу Вярхоўнага суда.

Са слоў маці пацярпелай, яны з дачкой удзельнічалі ў забаўляльным мерапрыемстве, арганізаваным індывідуальнай прадпрымальніцай. Падчас квэсту дзяўчынка сунула руку ў цёмную скрыню ў пошуках падказкі і яе ўкусіў пацук. Жанчына адзначыла, што арганізатары загадзя не папярэджвалі ўдзельнікаў аб наяўнасці жывёлін і не гарантавалі бяспеку.

У выніку ўкусу дзіця перанесла фізічны боль, два месяцы праходзіла лячэнне, а на месцы траўмы застаўся шнар. Маці запатрабавала ад арганізатара кампенсацыі маральнай шкоды ў суме 1000 рублёў.

Прадпрымальніца на пасяджэнне не з'явілася, але яе прадстаўнік прызнаў віну часткова - толькі на суму, якую заплаціла сям'я за ўдзел у квэсце (48 рублёў).

Суд прыйшоў да высновы, што траўма адбылася з віны арганізатараў, якія не гарантавалі бяспечныя ўмовы, і пастанавіў спагнаць з адказчыцы 1000 рублёў у якасці кампенсацыі, а таксама 126 рублёў дзяржмыты.

Пастанова суда пакуль не набыла моц і можа быць абскарджаная.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]