«Нечакана для Лукашэнкі «вялікі кітайскі камень» стаў каменем на шыі»

З маўклівай згоды кітайскіх і расейскіх таварышаў.

У аналітычным дакладзе КДБ аб пагрозах экспартнаму патэнцыялу Беларусі Кітай прызнаны наўпроставай пагрозай прадпрыемствам-флагманам цяжкага машынабудавання. У дакладзе адзначаецца, што Пекін уяўляе пагрозу тэхналагічнаму суверэнітэту і нацыянальнай бяспецы краіны агулам, піша тэлеграм-канал «Беларуская выведка».

У дакладзе падкрэсліваецца, што беларускую тэхніку атрымоўваецца прадаць толькі ў якасці «паблажлівасці» ад губернатараў і чальцоў урада РФ і як правіла пасля наведвання Менска. Нават закупленая для галачкі і пастаўленая ў мірны сектар у рэгіёны па бюджэтным фінансаванні тэхніка нарэшце адпраўляецца на «СВА».

Таксама ў дакуменце падкрэсліваецца, што ўжо ў сярэднетэрміновай перспектыве трэба чакаць поўнага выцяснення беларускай цяжкай і будаўнічай тэхнікі з рынку Расеі. Такая сітуацыя назіраецца і ў іншых абласцях машынабудавання: камбайны, пагрузчыкі, трактары, ліфты і т. п.

У аналітыцы таксама адзначаецца, што такую сітуацыю неўзабаве чакае і рынак РБ, а адзіным каналам збыту цяжкай тэхнікі ў будучыні стане вайсковая сфера, якая не зможа забяспечыць збыт усіх вытворчых магчымасцей Беларусі.

Нечакана для Лукашэнкі, але «вялікі кітайскі камень», з маўклівай згоды кітайскіх і расейскіх таварышаў, стаў каменем на шыі флагманаў, здольным пацягнуць на дно ўвесь карабель захраслай у «стабільнасці» беларускай эканомікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]