«Вырываюць з рук адзін аднаго»: менчукам раптам спатрэбіліся дываны

У сеціва патрапіла відэа з перапоўненага ГЦ.

У мінскім ГЦ "Першы Гандлёвы" на трэцім паверсе ўтварылася вялікая чарга: менчукі масава рынуліся па дываны. Прычына простая - зніжкі.

Відавочцы расказваюць «Онлайнеру», што ажыятаж пачаўся з самай раніцы. Працуюць чатыры касы, і, хаця чарга прасоўваецца даволі хутка, людзей менш не станавіцца.

- Мы шукаем месца, дзе няма людзей, але не можам знайсці такое, - кажа дзяўчына, здымаючы аглядны відэаролік.

Мяркуючы з відэа, чарга цягнецца ад кас амаль да выхаду. Людзі актыўна набіраюць дываны, нехта выходзіць з двума, нехта — з трыма на плячы. Унутры - шчыльны натоўп, месцамі не праціснуцца.

У каментарах да відэа з месца падзей карыстальнікі дзеляцца ўражаннямі:

“Усім сталі патрэбны дываны. Цісканіна ў краме!”

“Я сёньня туды заяжджала. Людзі піхаліся, пхаліся, з рук адзін у аднаго вырывалі. Жах. Як у заапарку пабывала. Дзеля 20 рублёў эканоміі такую цісканіну рабіць - гэта нешта!”

"Ну вось пра што і размова: калі цэны адэкватныя, то і тавар купляюць".

Некаторыя каментатары ўжо мяркуюць, што да заўтрашняга дня ад дываноў у гэтай краме нічога не застанецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]