Першы кіраўнік МЗС Расеі абвешчаны ў РФ «іншаагентам»

Цяпер Андрэй Козыраў жыве ў Маямі.

Міністэрства юстыцыі Расеі абвясціла «іншаагентам» былога міністра замежных справаў краіны Андрэя Козырава. Як вынікае з апублікаванага ў пятніцу, 11 красавіка, запісу на сайце Мінюста, Козыраў выступаў супраць вайны Расеі ва Украіне, піша «Нямецкая хваля».

«Узаемадзейнічае з замежнымі пляцоўкамі, жыве за межамі РФ», – дадалі ў Мінюсце РФ. Вясной 2022 года экс-міністр на знак пратэсту супраць поўнамаштабнага ўварвання Расеі ва Украіну заклікаў «усіх расейскіх дыпламатаў пайсці ў адстаўку».

«Паважаныя дыпламаты Расеі, вы – прафесіяналы, а не танныя прапагандысты. Калі я працаваў у МЗС, я ганарыўся сваімі калегамі. Цяпер проста нельга падтрымліваць крывавую братазабойчую вайну ва Украіне», – напісаў ён у сацсетцы X.

У сакавіку 2025 года Козыраў у інтэрв'ю ўкраінскаму журналісту Дзмітрыю Гардону выказаў меркаванне, што прэзідэнту Украіны Уладзіміру Зяленскаму трэба прадаўжаць патрабаваць у хаўруснікаў зброю, каб вярнуць тэрыторыю.

Андрэй Козыраў – першы міністр замежных справаў РФ. Пасаду кіраўніка МЗС РФ ён займаў з 1990 да 1996 года. З 2012 года Козыраў жыў у Маямі (штат Флорыда) у ЗША. У 2019 годзе ён заклікаў да імпічменту Дональда Трампа і выказаў меркаванне, што Злучаныя Штаты перастаюць быць «маяком маральнай ісціны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]