СМІ даведаліся, кім з'яўляюцца кітайцы, якія пайшлі ваяваць на баку РФ
13- 12.04.2025, 13:15
- 30,984
Яны знаходзяцца на фронце з ухвалы Пекіна.
Жаўнеры Кітайскай Народнай Рэспублікі, якія ваююць супраць Украіны на баку расейцаў, з'яўляюцца наймітамі і не звязаныя з кітайскімі ўладамі, хоць і знаходзяцца на фронце з ухвалы Пекіна.
Аб гэтым піша Reutеrs са спасылкай на двух амерыканскіх чыноўнікаў, якія знаёмыя з амерыканскай выведкай, а таксама на словы былога супрацоўніка заходняй выведкі.
«Больш за сто грамадзян Кітая, якія ваююць на баку расейскіх войск супраць Украіны, з'яўляюцца наймітамі, якія, здаецца, не маюць наўпроставай сувязі з урадам Кітая», — гаворыцца ў паведамленні.
У той жа час журналісты падкрэслілі, што кітайскія вайсковыя афіцэры знаходзяцца на фронце і ў тыле Расеі, маючы адабрэнне Пекіна, каб вынесці тактычныя ўрокі з вайны.
Амерыканскія чыноўнікі, якія размаўлялі на ўмовах ананімнасці, заявілі, што кітайскія байцы маюць мінімальную падрыхтоўку і не маюць прыкметнага ўплыву на ваенныя аперацыі Расеі.
Крыніцы Reutars таксама падкрэслілі, што на баку Расеі ваююць амаль 200 кітайскіх наймітаў, з якімі кітайскі ўрад не мае ніякай сувязі.
«Але кітайскія вайсковыя афіцэры, з ухвалы Пекіна, падарожнічаюць паблізу расейскіх франтоў, каб вынесці ўрокі і тактыку з вайны. Са слоў былога чыноўніка, афіцэры «знаходзяцца там абсалютна з дазволу Пекіна», - адзначаецца ў артыкуле.
Са слоў журналістаў, ЦРУ, Офіс дырэктара нацыянальнай выведкі ЗША і Рада нацыянальнай бяспекі, а таксама пасольства Кітая ў Вашынгтоне не адказалі неадкладна на запыты аб каментарах.
Нагадаем, 8 красавіка ў сеціве з'явіліся першыя відэа з кітайскімі жаўнерамі, якія трапілі ў палон, ваюючы на баку РФ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
