Байцы УСУ паказалі вельмі рэдкае відэа «дронавай вайны»

На ім украінцы перахапляюць і прызямляюць расейскія БПЛА.

Кожны дзень Расея выкарыстоўвае на фронце тысячы дронаў розных тыпаў, таму процідзеянне дронавым атакам вельмі важнае для абароны жыццяў украінскіх воінаў і вайсковай тэхнікі. Дарэчы, дастаткова ўмела робяць гэта аператара РЭБ 63-й асобнай механізаванай брыгады.

Ваяры паказалі рэдкае відэа з перахопам і прызямленнем васьмі варожых FPV-дронаў, зафіксаваных камерамі расейскіх беспілотнікаў. Яно было апублікаванае на Facebook-старонцы брыгады.

Вайскоўцы адзначылі, што ў сакавіку хлопцы 63-й АМБр не дазволілі даляцець да цэляў сотням расейскіх беспілотнікаў. Працягнулі яны гэта рабіць і ў красавіку.

Убачыць, як адбываецца нейтралізацыя расейскіх дронаў, украінцам удалося дзякуючы відэа з расейскіх БПЛА.

«Рэдкае відэа з расейскіх дронаў - як іх перахапляюць і прызямляюць аператары РЭБ 63-й брыгады. 8 знішчаных FPV на відэа - гэта праца нашых спецыялістаў усяго за дзень. У мінулым месяцы яны збілі амаль паўтысячы коптараў. Уявіце, колькі гэта выратаваных жыццяў і тэхнікі! - Паказана ў каментары да відэа.

На апублікаваных кадрах з перахопленых расейскіх дронаў бачна, як яны пад уплывам сродкаў РЭБ губляюць кіравальнасць і падаюць на зямлю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]