Беларусаў будуць высяляць з хрушчовак

Ёсць два варыянты.

Праграма рэнавацыі жыллёвага фонду Менска прадугледжвае перасяленне жыхароў хрушчовак у іншыя дамы або выплату ім грашовай кампенсацыі. Пра гэта агенцтву «Минск-Новости» расказала начальніца ўправы жыллёвай палітыкі Менгарвыканкама Алена Лукашэвіч.

У інтэрв'ю агенцтву «Минск-Новости» Алена Лукашэвіч адзначыла, што час пабудаваных у 50-я — 70-я гады мінулага стагоддзя хрушчовак сышоў, нягледзячы на тое, што гэта «яшчэ дастаткова моцныя» дамы. Начальніца ўправы жыллёвай палітыкі Менгарвыканкама мяркуе, што яны не адпавядаюць сучасным патрабаванням добраўпарадкавання і цеплаправоднасці.

- Таму будзе запушчаная праграма рэнавацыі такога жыллёвага фонду, - патлумачыла Лукашэвіч. - Прадугледжана, што грамадзян будуць перасяляць у іншыя кватэры або выплачваць грашовую кампенсацыю.

Нагадаем, у сакавіку была зацверджаная канцэпцыя дзяржаўнай жыллёвай палітыкі да 2030 года. На думку эксперта па нерухомасці Наталлі Літоўскай, згодна з дакументам «знесці могуць толькі тое, што не дачакалася капрамонту і пагражае ператварыцца ў непрыдатнае для пражывання».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]