Forbes: УСУ «сцяной» дронаў распляжылі РФ на Данбасе

Расейскі штурм захлынуўся на старце.

На захадзе Данецкай вобласці чатыры штурмавыя расейскія групы пайшлі ў атаку адначасова, аднак да ўкраінскіх пазіцый не дабраліся, пацярпеўшы поўную паразу, піша Forbes .

У снежні 2024 года агрэсарам удалося дасягнуць піравай перамогі - яны захапілі Курахава. Аднак праз знясіленне войск і недахоп бронетэхнікі далей рушыць наперад ворагу ніяк не ўдалося. Ажно праз чатыры месяцы, набраўшыся рэсурсу, акупанты зноў актывізавалі наступленне.

«Мы...чакаем, што расейскія наступальныя дзеянні пашырацца на поўдні ў найбліжэйшыя месяцы», - заявіў у чацвер аналітык Татарыгамі, заснавальнік Ukrainian Frontelligence.

Моцная атака пачалася ў аўторак. Войскі РФ у адно імгненне ўдарылі на поўнач ад Курахава і на поўдзень ад Сярэбранага.

«Цягам дзвюх гадзін у раён населенага пункта Багданаўкі з розных кірункаў і ў розны час адправіліся чатыры зводныя групы: пяхота, на багі і матацыклах, бронетэхніка, БМП і танкі», - паведамілі ў групоўцы УСУ «Хорціца».

Галоўнай мэтай для захопу сталі Багданаўка, Траецкае і Арэхава. Аднак ворага ўдалося спыніць - украінская абарона - 72-я механізаваная брыгада, і марская пяхота дронамі назірання зафіксавалі прасоўванне праціўніка, пасля чаго FPV-дроны нанеслі ўдары.

Да ўкраінскіх пазіцый штурмавая група РФ не дайшла - атака дронаў была настолькі шчыльнай, што выбухі адных апаратаў правакавалі падрыў суседніх.

Як сцвярджае «Хорціца», знішчаныя:

два танкі;

два БТР;

чатыры багі;

чатыры матацыклы;

сама меней 50 акупантаў.

«Сітуацыя для ўкраінскіх войск застаецца складанай, а агульны баланс на карысць Расеі. Аднак, нягледзячы на нядаўнія спробы Расеі адлюстраваць становішча Украіны як жудаснае, яны пакуль не змаглі атрымаць аператыўную ці стратэгічную выгаду ўнутры Украіны», - пракаментаваў Татарыгамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]