Брытанскі палкоўнік: Ёсць толькі адзін спосаб паставіць Пуціна на месца

Кіраўнік РФ не зацікаўлены ў якіх-небудзь пагадненнях з Белым домам.

Адзіны спосаб, які разумее Пуцін – гэта сіла. Гэта «24 Каналу» адзначыў палкоўнік арміі Вялікай Брытаніі ў адстаўцы Хэміш дэ Брэтан-Гордан.

– Трамп разумее, што насамрэч Пуцін не зацікаўлены ў якіх-небудзь пагадненнях з Белым домам. Адзінае, што Пуцін разумее – гэта сіла. Адзінае, што Трамп можа зрабіць – гэта паказаць сваю моцную ваенную руку. Таму што, відаць, толькі так ён можа прымусіць Пуціна спыніць агонь, – падкрэсліў ён.

Хэміш дэ Брэтан-Гордан адзначыў, што вельмі важна, каб у Белым доме ўжылі захады для развязання сур'ёзнай праблемы выцечкі выведнай інфармацыі. Асабліва пасля таго, як размовы, праведзеныя ў чаце Signal, былі апублікаваныя і сталі вядомыя ўсяму свету.

Толькі нядаўна еўрапейскія краіны ўсвядомілі пагрозу з боку Пуціна і пачалі ўзмацняць сваю абарону. Сярод іншых, Нямеччына плануе выдаткаваць 200 мільярдаў еўраў на абнаўленне свайго войска. Аднак на гэта патрэбны час. Еўрапейскія краіны пад кіраўніцтвам Вялікай Брытаніі і Францыі паказваюць сваю моцную руку.

– Калі б Трамп і амерыканцы заявілі, што яны будуць падтрымліваць Еўропу і Украіну, калі гэта будзе трэба, думаю, гэта змяніла б сітуацыю і мысленне Пуціна. Цяпер Пуцін мяркуе, што ЗША не будуць удзельнічаць у барацьбе за Украіну, таму што менавіта так заявілі амерыканцы, – дадаў палкоўнік Вялікай Брытаніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]