Дзе і як беларусам зараз атрымаць шэнгенскую візу

Самы хуткі варыянт - Грэцыя.

Дзе і як зараз беларусам атрымаць шэнгенскую візу расказаў тэлеграм-канал “Візавы крот”.

Вугоршчына. З 15 чэрвеня 2023 года запіс і падача турыстаў толькі праз візавы цэнтр. “Акенцы» ў сам ВЦ рэдка з'яўляюцца. Магчымы запіс па пісьме ў консульства.

Вынікі ўжо не так цешаць - пад паездку, паўгода і зрэдку больш. Паездка павінна быць рэальнай, вугорцы правяраюць броні жылля.

Грэцыя: даты ў ВЦ з'яўляюцца стабільна часта. Гэта самы хуткі і ў меру танны спосаб атрымаць візу. Але грэкі ўсім ставяць візу на тэрмін паездкі. На большае нават не спадзявайцеся.

Нямеччына: запіс праз электронную пошту на вельмі шмат месяцаў наперад - 12-15.

Гішпанія (ВЦ Масква і Менск). Калі коратка - у Менску самастойна запісацца можна, калі дзейнічаць хутка і загадзя ва ўсім разабрацца. У Маскве - лягчэй.

Тэрміны разгляду прыкладна 3-4 тыдні ад падачы ў Менску.

Аб адмовах сталі паведамляць радзей. Візы выдаюць на месяц, максімум - 3,5.

Італія: чарга з ахвочых патрапіць у ВЦ велізарная. Пры наяўнасці блізкіх сваякоў ці дзелавога запрашэння з Італіі, можна звярнуцца наўпрост у пасольства.

"Жывую чаргу" пакуль прыкрылі.

Славакія/Партугалія: дакументы прымаюць не толькі праз ВЦ, але і ў Консульстве. Важна: славакі патрабуюць запрашэнне са славацкага боку, заверанае ў паліцыі. Гэтае ж правіла тычыцца партугальскай візы.

Францыя: дат у вольным доступе няма і не будзе. Пры наяўнасці сваякоў у Францыі (ці сяброў) можна звяртацца ў пасольства, запіс прызначаць даволі хутка. Запрашэнне прымуць (так абяцалі!) нават ад рукі.

Вынік у апошні час не цешыць: на раз, паўгода, адмова.

Польшча. З верасня 2023 г. Польшча стала выдаваць шэнгенскія візы. Але запісацца самому складана, і па факце ставяць ад адмовы да - "пад паездку".

Румынія і Балгарыя. Іх роля зусім незаўважная. Кажуць, патрабуюць поўную аплату паездкі, у тым ліку жыллё. І калі не даберацеся да месца прызначэння або скасуеце броню свайго хостэла, візу адклічуць імгненна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]