F-16 б'юць па тэрыторыі Расеі
18- 13.04.2025, 20:19
- 30,556
Кансультант Пентагона ацаніў поспехі УСУ.
Нягледзячы на першапачатковыя лагістычныя праблемы і праблемы сумяшчальнасці са старымі мадэлямі самалётаў, Украіна зараз мае дзейныя F-16, прыдатныя для складаных задач. Гэта азначае сабой значную эскалацыю баявых магчымасцяў Украіны, пераход ад асцярожнага выкарыстання да эфектыўных аперацый на перадавой. Аб гэтым піша экс-кансультант Пентагона, эксперт у замежных вайсковых справах у Фондзе ім. Казіміра Пуласкага ў Варшаве Рубэн Джонсан у сваім артыкуле для 19FortyFive.
Адзначаецца, што самалёты паспяхова перахапляюць расейскія ракеты, знішчаюць іранскія беспілотнікі і наносяць удары па тэрыторыі самой Расеі. Акцэнтуецца, што Паветраныя сілы УСУ штодня выкарыстоўваюць свае знішчальнікі F-16 для знішчэння расейскіх пускавых установак і бункераў для захоўвання ракет.
«Яны лётаюць кожны дзень; яны адбілі вялікую колькасць пагроз крылатых ракет, а таксама нанеслі вялікую колькасць наступальных удараў, напрыклад, бамбаванняў на ўсходзе», – заяўляў на днях камандуючы Еўрапейскага камандавання Узброеных сіл ЗША, генерал Крыстофер Каволі.
Са слоў украінскага пілота F-16, больш за 80% боепрыпасаў, выпушчаных гэтымі самалётамі, паспяхова знішчылі свае цэлі. Ён адзначыў, што цяпер F-16 літаральна «кожны дзень» выконваюць наступальныя супрацьпаветраныя місіі, якія дапаўняюць аперацыі па наземных атаках над акупаванымі тэрыторыямі ва Украіне, а таксама ўнутры самой Расеі.
«Тое, што гэтыя самалёты наносяць удары па тэрыторыі Расеі, з'яўляецца кардынальнай зменай», - канстатаваў аўтар.
Нагадаем, што Украіна атрымала F-16 у асноўным ад краін Паўночнай Еўропы, Нідэрландаў і Даніі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
