Пад Гародняй «адпрацоўваюць» ваеннае становішча

Пачынаецца вучэнне з «апалчэннем» і артылерыяй.

З 13 да 15 красавіка ў Гарадзенскім раёне пройдзе камандна-штабное вучэнне. Аб гэтым паведаміла прэс-служба Міністэрства абароны Беларусі.

Паводле інфармацыі ведамства, да вучэння падключылі вайсковаабавязаных, прызваных з запасу, супрацоўнікаў органаў унутраных спраў, а таксама добраахвотнікаў народнага апалчэння.

«Мэты вучэння – удасканаленне навыкаў афіцэраў у кіраўніцтве падпарадкаванымі сіламі тэрытарыяльнай абароны і навучанне асабовага складу зладжаным дзеянням пры развязанні задач тэрытарыяльнай абароны», – гаворыцца ў афіцыйным паведамленні Мінабароны.

У планах — адпрацаваць пытанні аховы і абароны аб'ектаў тэрытарыяльнай абароны, барацьбы з дыверсійна-выведвальнымі групамі супраціўніка, забеспячэння захадаў ваеннага становішча, у тым ліку з удзелам народнага апалчэння.

Сярод задач запланаваная і такая — «знішчэнне дыверсійна-выведвальных груп умоўнага супраціўніка». Для яе падраздзяленні тэрытарыяльных войск збіраюцца ўзмацніць артылерыйскімі падраздзяленнямі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]