Духоўны дарадца Трампа назваў Пуціна «чыстым злом»

Свет павінен аб'яднацца перад тварам гэтага зла.

Духоўны дарадца прэзідэнта ЗША Дональда Трампа, пастар Марк Бэрнс асудзіў расейскую ракетную атаку на Сумы, якая адбылася ў Вербную нядзелю, 13 красавіка. Аб гэтым ён напісаў на платформе X у панядзелак, 14 красавіка.

Апублікаваўшы відэа з месца прылёту, ён назваў удар "недаравальным нападам на чалавечнасць, веру і святасць жыцця", а дыктатара РФ Уладзіміра Пуціна - "чыстым злом".

“Вось чаму я назваў Пуціна злом... Як пастар і міратворац, я рашуча асуджаю жудаснае бамбаванне Расеяй царквы ў Сумах, Украіна, у Вербную нядзелю - дзень, прызначаны для пакланення і духоўнага абнаўлення для хрысціян ва ўсім свеце. Гэты жорсткі напад, бязлітасна накіраваны на нявінных вернікаў, якія сабраліся ў свеце, каб адзначыць Вербную нядзелю, з'яўляецца недаравальным нападам на чалавечнасць, веру і святасць жыцця. У Сумах гэты барбарскі акт забраў як мінімум 32 жыцці (34 - рэд.)», - адзначыў Бэрнс.

Паводле ягоных слоў, такі наўмысны гвалт супраць безабаронных вернікаў сведчыць аб глыбокай пагардзе да спачування і маралі.

"Я патрабую справядлівасці, адказнасці і неадкладнага спынення гэтых зверстваў, заклікаючы ўсіх людзей сумлення асудзіць гэтае зло і нястомна працаваць дзеля міру і замірэння", - дадаў ён.

Бэрнс заклікаў усіх людзей веры з усяго свету публічна асудзіць Расею за гэтыя злосныя акты гвалту супраць цывільнага насельніцтва - жанчын і дзяцей. Падкрэсліўшы, што свет павінен аб'яднацца перад абліччам гэтага зла.

Ён таксама нагадаў, што кіраўнік ЗША Дональд Трамп хоча, каб гэтыя злачынствы спыніліся, а мір настаў як мага хутчэй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]