У ЗША рыхтуюць новыя меры для падтрымкі Украіны і жорсткія санкцыі супраць РФ

У Кангрэсе прэзентавалі законапраект.

Прадстаўнікі Дэмакратычнай партыі прадставілі ў Кангрэсе ЗША законапраект, які прадугледжвае ўзмацненне падтрымкі Украіны ў вайне і ўвядзенне жорсткіх санкцый супраць Расеі. Пра гэта піша Reuters са спасылкай на копію законапраекта, якая была ў распараджэнні агенцтва.

Вядучы дэмакрат у Камітэце ў замежных справах Палаты прадстаўнікоў, Грэг Мікс прадставіў законапраект, які прадугледжвае шматузроўневую дапамогу Украіне - ад фінансавання патрэб бяспекі і пасляваеннага аднаўлення да ўзмоцненых санкцый супраць Расеі.

У першым раздзеле пацвярджаецца падтрымка Украіны і NАТО, а таксама прапануецца стварэнне пасады спецкаардынатара ў пытаннях аднаўлення Украіны. У другім раздзеле гаворыцца аб дапамозе Украіне ў сферы бяспекі, у тым ліку прамыя крэдыты і вайсковае фінансаванне. У трэцім - аб строгіх санкцыях і экспартным кантролі ў дачыненні да расейскіх банкаў, энэргетычнай і горназдабыўной галін, а таксама чыноўнікаў РФ.

Інфармаваныя крыніцы агенцтва адзначаюць, што законапраект - гэта чарговая спроба ціску на адміністрацыю прэзідэнта Дональда Трампа, каб яна заняла больш дакладную пазіцыю на баку Кіева.

«Такія дзеянні ў Кангрэсе паказваюць на рост занепакоенасці заканадаўцаў з абедзвюх партый лёсам Украіны, паколькі прэзідэнт-рэспубліканец Дональд Трамп заняў больш пагаджальную пазіцыю ў дачыненні да Масквы з моманту пачатку свайго другога тэрміну 20 студзеня», – адзначыў адзін з суразмоўцаў.

Памочнікі кангрэсмэнаў, якія працавалі над тэкстам, адзначаюць, што калі законапраект не атрымае поўнай падтрымкі Палаты прадстаўнікоў, яго асобныя пункты могуць увайсці ў шырэйшы пакет пастаноў аб Украіне.

«Гэты законапраект сапраўды стане часткай шырэйшай заканадаўчай дыскусіі», - сказаў адзін з суаўтараў тэксту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]