У Польшчы падпісаны закон, які тычыцца і беларусаў

Што мяняецца для мігрантаў?

Прэзідэнт Польшчы Анджэй Дуда падпісаў Закон аб даручэнні працы замежнікам. Ён распрацоўваўся, каб ліквідаваць злоўжыванні пры выдачы працаўнікам дакументаў для атрымання шэнгенскіх віз, піша MOST.

"Гэтая мэта будзе дасягнута шляхам укараненнем новых функцый у інфармацыйныя сістэмы, узмацненнем ролі дзяржаўных службаў занятасці ў працэсе выдачы дазволаў, а таксама лепшай інтэграцыяй інфармацыйных сістэм розных устаноў", — заявілі ў Міністэрстве сям'і, працы і сацыяльнай палітыкі Польшчы.

Працэдура выдачы дазволаў на працаўладкаванне стане поўнасцю электроннай. Гэта дазволіць скараціць тэрміны разгляду заяў.

Пры гэтым узмоцніцца кантроль. Ваявода адмовіць працадаўцу ў выдачы дазволу на працу іншаземца, калі ў гэты момант фірма не вядзе дзейнасць, якая апраўдвае залучэнне замежнага работніка. Акрамя таго, дазвол не дадуць, калі ваявода разважыць, што рэальная мэта наймальніка - аблегчыць замежнікам уезд на тэрыторыю Польшчы.

Сярод іншых прынятых мер адмена так званага тэсту рынку працы - працэдуры праверкі, ці можна на прадпрыемства, якое хоча наняць замежніка, працаўладкаваць польскага беспрацоўнага, які стаіць на біржы працы. Замест гэтага ўвядуць хутчэйшую і эфектыўную працэдуру.

Павет (адміністрацыйная адзінка ў Польшчы, якую можна параўнаць з раёнам у Беларусі) змогуць самі вызначаць, у якіх галінах абмяжоўваць працаўладкаванне замежнікаў і на які перыяд.

Асобна прапісаны меры інтэграцыі замежных работнікаў. З'явіцца магчымасць рэалізацыі інтэграцыйных праграм для іх (перш за ўсё гэта мае на ўвазе дапамогу ў вывучэнні польскай мовы). Дзяржаўныя службы занятасці змогуць ствараць спецыялізаваныя цэнтры падтрымкі замежнікаў на рынку працы.

Якія меры не прайшлі

У розных варыянтах праект закона быў значна больш жорсткім. Напрыклад, прапаноўвалася значна павялічыць адказнасць за нелегальнае працаўладкаванне замежнікаў, а таксама абавязаць агенцтвы часовага працаўладкавання ўкладаць з замежнікамі працоўныя кантракты (umowy o pracę), а не грамадзянска-прававыя дамовы. Абодва захады былі адхіленыя ў працэсе абмеркавання.

Нагадаем, паводле некаторых звестак, агульную колькасць беларусаў і беларусак у Польшчы можна ацаніць на 348,5 тысячы чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]