Польшча рыхтуе адказ на авантуру Лукашэнкі са 150 тысячамі пакістанцаў у Беларусі

Дарадца прэзідэнта Польшчы назваў магчымыя меры.

Дарадца прэзідэнта Польшчы, прэзідэнт Фонду «Інстытут нацыянальнай бяспекі» Станіслаў Жарын заклікаў польскую выведку і контрвыведку падрыхтавацца да магчымага прыбыцця ў Беларусь 150 тысяч пакістанцаў, анансаванаму на мінулым тыдні Аляксандрам Лукашэнкам. Дарадца заклікаў спецслужбы праверыць, у якой ступені заявы беларускага дыктатара могуць быць рэалізаваны ў найбліжэйшай будучыні.

Польскі дарадца папярэдзіў, што «найбліжэйшыя тыдні і месяцы могуць быць вельмі актыўнымі на мяжы з Беларуссю». Жарын у інтэрв'ю парталу Niezalezna.pl заявіў, што польскія памежнікі раней ужо выяўлялі на мяжы з Беларуссю людзей, якія атрымалі ў Беларусі турыстычныя ці студэнцкія візы.

Пагадненне Менска з Ісламабадам, на думку Жарына, можа стаць прычынай «дэстабілізацыі і палярызацыі Польшчы» і ўзмацніць «ціск на мяжу». У сувязі з гэтым польскім спецслужбам, паводле яго слоў, неабходна «ўлічваць усе сцэнары».

Дарадца прэзідэнта Польшчы таксама абвінаваціў Расею ў варожых настроях у дачыненні да Захаду і да самой Польшчы.

«Тое, што адбудзецца ў найбліжэйшыя месяцы, будзе залежаць ад падыходу ЗША да Расеі і дамоўленасцяў, звязаных з вайной ва Украіне. Тэндэнцыя пагаршэння бяспекі ў Еўропе носіць доўгатэрміновы характар, і нам неабходна знайсці на яе адэкватны адказ», - заявіў Жарын.

У ліку такіх адэкватных мер у адказ ён назваў:

далейшую актывізацыю прысутнасці войскаў ЗША ў Польшчы,

умацаванне ўсходняга флангу NАТО і актывізацыя еўрапейскай дапамогі,

узмацненне актыўнасці ў Вашынгтоне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]